المعطيات الشخصية

شنوّة المعطيات اللي نجمعوها

نجمعو كان اللي نحتاجوه باش نخدمو الكوموند متاعك:

• الكوموند: الاسم و اللقب، رقم التليفون، العنوان و الولاية، و القطع اللي كوموندتها.
• الكونت (إذا عملت واحد): الإيمايل، كلمة السر (محفوظة مشفّرة، حتى حد ما يشوفها)، و تاريخ الكوموندات.
• التصفّح: الباني و الحاجات اللي عجبوك يتحفظو في البراوزر متاعك، باش تلقاهم كي ترجع.

علاش نستعملوها

• باش نأكّدو الكوموند معاك بالتليفون، نحضّروها و نوصّلوها.
• باش نتبّعو التبديل و الرجوع و نجاوبوك كي تتّصل بينا.
• باش نسيّرو الكونت متاعك (الدخول، تبديل كلمة السر، تأكيد الإيمايل).
• باش نحسّنو الموقع و نحميوه من الاستعمال الموش قانوني.

شكون يشوفها

ما نبيعوش و ما نكريوش المعطيات متاعك لحد. نعطيو كان اللي يلزم لشركة الليفريزون (الاسم، التليفون، العنوان و المبلغ) باش توصّلك الكولي، و للخدمات التقنية اللي يخدم بيها الموقع (الإستضافة، بعثان الإيمايلات)، و هاذوما ما يستعملوهاش لحاجة أخرى.

قدّاش نخلّيوها

نخلّيو المعطيات متاع الكوموندات المدّة اللي نحتاجوها للتبديل، الرجوع و الحسابات. معطيات الكونت تبقى مادام الكونت محلول؛ كي تطلب تسكّرو، نفسخوها ولا نخلّيوها من غير اسم، إلا اللي لازمنا نخلّيوه.

الحماية

الموقع يخدم بـHTTPS، كلمات السر محفوظة مشفّرة، و الدخول للمعطيات محدود على الناس اللي يخدمو الكوموندات. ما فما حتى نظام محمي مية بالمية، أما نعملو كل جهدنا. و ما تنساش: حتى حد من La Diva ما يطلب منك كلمة السر متاعك.

الحقوق متاعك

عندك الحق تعرف شنوّة المعطيات اللي عندنا عليك، تصلّحها، ولا تطلب فسخها. تنجم تبدّل برشا حاجات وحدك من الكونت متاعك، و للباقي اتّصل بينا و نجاوبوك في أقرب وقت.

البراوزر و الكوكيز

نستعملو كوكي باش تبقى داخل للكونت متاعك، و نحفظو الباني و الحاجات اللي عجبوك في البراوزر. هاذوما ضروريين باش الموقع يخدم، و ما نستعملوهمش باش نتبّعوك في مواقع أخرى. كي تفسخهم من البراوزر، الباني يتفرّغ و تخرج من الكونت.

التبديلات

ننجمو نبدّلو هالصفحة كي تتبدّل الخدمة متاعنا. التاريخ اللي الفوق يقلّك آخر تحديث.